Gimmies se veelsydige atleet, Rico Leijenaar, is vir die Junior Elite Tweekamp SA span gekies wat in November aan die junior wêreldtweekamp-kampioenskappe in Spanje gaan deelneem.

Hierdie junior elitegroep (16-19 jaar) bestaan uit 6 seuns en 6 dogters wat aan hardloop en fietsry gaan deelneem. Rico gaan ook op 30 Oktober aan die SA Tweekamp kampioenskappe in Port Elizabeth deelneem en sal hoop om op sy goeie vorm vanjaar voort te bou.