Noordwes Rolbal se klubligaseisoen begin vroeg in Januarie volgende jaar met bykans 50 spanne van vier lede elk wat sake sal uitspook.

Die gesogte Premierliga word deur ses spanne elk in ‘n vroue- en mansliga gespeel.

Die ses vrouespanne in die liga is Parys (twee spanne), Potchefstroom Buiteklub (PCC) twee spanne, Klerksdorp en Potchefstroom Rolbalklub. Die mansspanne is Klerksdorp, Sannieshof, PCC, Parys, Potchefstroom en Fochville.

Daar is ook ‘n baie aktiewe Eersteliga wat gespeel word tussen twee en twintig mansspanne en dertien vrouespanne. Beide ligas word in ‘n noord en suid-afdelinga verdeel wat dan later in ‘n finaal sake sal uitspook.
Die mans se noord-afdeling bestaan uit drie spanne van La Farge, twee van Mafeking, drie van Klerksdorp en een span elk van Zeerust en Orkney.

Die suid-groep bestaan uit twee spanne elk van Parys, Potch Dorp en Fochville en drie spanne elk van Klerksdorp en PCC.

Die Vroue Eersteliga se noord-groep bestaan uit twee spanne van La Farge en een elk van Klerksdorp, Sannieshof, Mafeking en Zeerust|/Ventersdorp.

Twee spanne elk van Potch Dorp en Fochville, plus een span elk van Klerksdorp, PCC en Orkney vorm die suid-groep.