Tennisglorie is hierdie jaar vir Volkies se eerste en tweede tennisspanne beskore toe hulle verlede naweek die Noordwestitels gewen het.

Dit is die sesde keer in sewe jaar wat Volkies se eerste tennisspan die trofee verower. Dit is wel die eerste keer wat die tweede seunstennisspan ook as NW-wenners gekroon word.

Volkskool se eerste tennisspan het in hulle swart uitrustings vir KHS behoorlik laat sweet met ‘n 7-1 oorwinning. Die tweede span het vir Hoërskool Wesvalia met 7-1 geklop.

“Dankie vir elkeen se toegewydheid, wilskrag, sportmangees en veggees by elke punt. My hart bars uit sy nate van trots. Ek salueer julle,” noem Volkies se tennisorganiseerder, Stephanie Nel.