Potchefstroom Buiteklub Tennis het onlangs hulle 2022 Klubkampioenskappe aangebied en hier het een dame sommer drie titels verower.

Lenthea Kamffer is as die dames enkelspel, dames dubbelspel en gemengde spel kampioen gekroon.

Kamffer het die dames dubbelspel saam met Hilda van Antwerpen gewen en die gemengde spel saam met Jannie Geldenhuys.

Die nuwe voorsitter van die klub, Gerrit Els, is ook as die mans enkelspelkampioen gekroon nadat hy vir Jannie Geldenhuys in ‘n naelbyt eindstryd in drie stelle geklop het. Die telling was 6-1, 4-6, 6-0 in Els se guns.

Die klub se algemene jaarvergadering het ook die naweek op 3 Saterdag, 3 September plaasgevind. Dit is hier waar Els tot voorsitter van die klub verkies is.

Die uitslae van die Klubkampioenskappe is as volg:

Dames enkelspel:

Kampioen: Lenthea Kamffer

Naaswenner: Ciska Tromp

Dames dubbelspel:

Kampioene: Hilda van Antwerpen & Lenthea Kamffer

Naaswenners: Louisa Grimbeek & Renette Kingston

Derde: Andriette van der Berg & Ciska Tromp

Mans enkelspel:

Kampioen: Gerrit Els

Naaswenner: Jannie Geldenhuys

Mans dubbelspel:

Kampioene: Gerrit Els & Danie Anthony

Naaswenners: Dolf van der Bergh & Nico Gernandt

Gemengde dubbelspel:

Kampioene: Jannie Geldenhuys & Lenthea Kamffer

Naaswenners: Danie Anthony & Louisa Grimbeek