Wesvalia het hulle Pukreeks veldtog Saterdag, 11 Maart teen Middelburg afgeskop.

Dit was van meet af nie ‘n maklike wedstryd nie. Middelburg het elke jaar ‘n baie sterk span en het Saterdag tuisvoordeel geniet. Die Bruinbere, het die wedstryd 25 – 8 verloor.

Volgens Willem van der Sandt, Direkteur van Rugby van Wesvalia, was hulle so bietjie stadig op die grond  en dat klein  klein hanterings foutjies het ingekruip het.

“Ek dink ons was baie beter in die vaste fasette, goed geskrum en die lynstane was baie beter. Ons verdediging was ook baie goed gewees. Ons haal baie positiewe uit die wedstryd uit. Daar is ook beseerde spelers wat hierdie week terugkom so ons is opgewonde vir volgende twee poel wedstryde,” het van der Sandt gesê.