Die oud-Volkie, Janise Nell, het weer bewys hoekom sy een van die land se top stap-atlete is toe sy ‘n eerste plek in die vroue o.20 stap-item by die ASA Junior en Jeugkampioenskappe in Pietermaritzburg vanaf 23-25 Maart behaal het.

Nell (tans verbonde aan die NWU) maak klaar in ‘n tyd van 0:55:09.40 voor Keandra Jooste (0:55:58.64) en die huidige Volkie-leerder en atleet, Marizel Meintjies in die derde plek. Marizel behaal ‘n tyd van 0:56:53.22 en brons in ‘n hoër ouderdomsgroep. Sodoende maak ACNW skoonskip van die podiumplekke.

Hierdie Volkie kan beslis nog groot hoogtes bereik en ‘n SA goud is beslis nog vir haar beskore.

Nell is ook in die Suid-Afrikaanse span ingesluit vir die o.18 en o.20 Afrika Spele wat in Zambie in April gaan plaasvind.