Die gebreek van harte kon tot in Klerksdorp gehoor word nadat Wesvalia met slegs een punt teen Heidelberg Volkskool die afgelope naweek in die kwarteind rondte van die NWU Prestigereeks verloor het.
Die wedstryd het in Pretoria plaas gevind. Dit was een skop wat die twee spanne geskei het. Die Klerksdorpers het vier drieë teenoor hulle teenstanders se drie gedruk.
Volgens Willem van der Sandt, afrigter van Wesvalia, was Volkies baie goed op die grond gewees en het baie strafskoppe gewen.
Hulle skopper het ons gestraf, maar ons het goed gespeel, op die einde net een skop vir wen gemis,” het Van der Sandt gesê.
Wesvalia het vir plekke 1-4 uitgespeel, na die verlies gaan hulle komende naweek vir plekke 5-8 uitspeel. Die Bruin bere se volgende wedstryd is teen Die Anker.
