Volkies se 1ste XV het Saterdag vir Oosterlig met 14 – 7 in die NWU prestige reeks eindstryd gewen.

Diè twee spanne het vir 15de en 16de plek uitgespeel. Die Potchefstromers het vroeër in die seisoen 41 – 5 oor die span van Boksburg geseëvier.

Volgens Mighael de Beer, hoofafrigter van Volkies, was Oosterlig baie beter as vroeër die jaar.

“Die posisies is nou uitgesorteer, ons is tevrede met waar die spelers nou is. Ek dink ons het nou ‘n draaipunt in die seisoen bereik,” het de Beer gesê.

Volkies begin hulle Noordvaal liga veldtog, komende Saterdag tuis teen Dr. Malan van Meyerton.