Foto’s: Laerskole ding mee vir NW-netbaltitel

Op 'n yskoue wintersoggend (Saterdag, 10 Junie) het van Noordwes se top laerskool netbalspanne sake begin uitspook om te sien wie vanjaar as die Noordwes o.11-o.13 kampioene gekroon gaan word.

June 10, 2023

Wouter Pienaar Less than a minute

Die aksie is van die boonste gehalte tydens die o.11-o.13 NW Laerskole netbalkampioenskappe op Saterdag, 10 Junie by Potchefstroom Gimnasium. Foto's: Wouter Pienaar.

Op ‘n yskoue wintersoggend (Saterdag, 10 Junie) het van Noordwes se top laerskool netbalspanne sake begin uitspook om te sien wie vanjaar as die Noordwes o.11-o.13 kampioene gekroon gaan word.

Hierdie kampioenskappe vind vandag by Potchefstroom Gimnasium se netbalbane plaas.

Laerskool Mooirivier, Laerskool Baillie Park, Laerskool M.L. Fick verteenwoordig Potchefstroom in verskeie ouderdomsgroepe vandag teen ander top skole soos Laerskool Saamtrek, Laerskool La Hoff (Klerksdorp) sowel as Laerskool Rustenburg, Laerskool Proteapark, Laerskool Vastrap (Rustenburg) onder andere.

Spanne speel vanoggend poelwedstryde om te bepaal wie vir die top posisies in die uitspele vanaf 14:00 gaan kompeteer.

Hier is foto’s van vanoggend se aksie: (Foto’s: Wouter Pienaar)