Laerskool M.L. Fick se onderwysers het hope gees gewys toe hulle gister (Vrydag, 27 Oktober) hulle eie 2023 Rugbywêreldbeker eindstryd voor die skool se leerders gespeel het.

Een groep onderwysers was die Springbokke met ‘n ander groep wat die All Blacks verteenwoordig het. Die onderwysers het dit so realisties as moontlik gehou en ook ‘n Haka voor die wedstryd ingewerk.

Na ‘n rillerstryd het die “Springbokke” met mnr. Heyns Deacon (skoolhoof) en mnr. Divan Visser (onderhoof) in groen en goud, die wedstryd gewen en die beker gelig.

Dalk was dit net ‘n perfekte voorskou van wat vanaand tussen die Springbokke en All Blacks gaan gebeur – alles Bokondersteuners hoop vir daardie perfekte uitslag.

Kyk die video hier: