Potchefstroom Gimnasium se eerste krieketspan is gereed om op tuisveld hierdie Saterdag, 27 Januarie hul beste voet voor te sit teen Hoërskool Monument in die Finsbury B-liga.

Dit was Saterdag, 20 Januarie juis eenrigtingverkeer vir Gimnasium se eerste krieketspan teen Hoërskool Montana met ‘n 9-paaltjie oorwinning in die Finsbury B-liga.

Gimmies se ster was die veelsydige Tommie Botha wat 4/21 met sy draaiballe behaal het om Montana vir slegs 123 uit te knikker.

Die draaier, Caiden Seleka, vars terug van die Cubsweek in Stellenbosch, was ook op sy stukke met 2/19. Botha sit sy speler van die wedstryd-vertoning voort met ‘n 65 nie uit nie van 86 balle.

Die wedstryd teen Monnas begin om 09:00 op die Gimmies Oval.