Hoër Volkskool Potchefstroom se eerste krieketspan het teen ‘n sterk Hoërskool Nelspruit span op Saterdag, 27 Januarie by Midstream College bewys dat hul nie lig gereken kan word nie.

Volkies boul Nelspruit vir 126 almal uit en behaal die teiken met sewe paaltjies en 28 boulbeurte oor. Dit is veral Volkies se draaiers wat skade maak.

Dian Liebenberg (3/25) in 10 boulbeurte, Olefa Padi (2/19) in 8.5 boulbeurte en Eduan van der Merwe (1/4) in 9 boulbeurte wys hul vaart met ekonomiese boulsyfers.

Volkies maak korte mette van die teiken met Louis van Wyk (35 van 39 balle) en Ruan Smit (41* van 48 balle) wat die voorste lopiemakers vir die Potchefstromers op die dag was.