Die Noordwes driekampkampioenskappe is op Saterdag 1 Februarie in Orkney gehou.
Atlete was almal verheug dat die higiënegehalte van die Vaalrivier uitstekend was, wat die swembeen moontlik gemaak het. Ten spyte van die hittegolf het Potchefstroom-atlete baie goed gevaar:
Die Supersprint-kategorie is vir atlete van 12 tot 15 jaar en behels ‘n aaneenlopende 400 m swem, 10 km fietsry en 2,5 km hardloop. Minke Bester van Hoërskool Gimnasium was die algehele wenner van die vroue kategorie sowel as die wenner van die o.15-meisies-ouderdomsgroep. Nico Swart van Volkskool was die wenner van die mans kategorie en o.15 seunskampioen. Beide Minke en Nico het gekwalifiseer om NW by SA Jeugdriekampkampioenskappe in Benoni op 16 Maart te verteenwoordig.
Die naelloopkategorie bestaan uit ‘n aaneenlopende 750 m swem, 20 km fietsry en 5 km hardloop. Potchefstromer Johannes Gouws het sy ouderdomsgroep in die naelloopdriekampwedloop gewen.
Mariette Hitge het ‘n 1500 m swem, 40 km fietsry en 10 km hardloop in die Standard Olimpiese afstandkategorie aangepak. Sy was die derde dame algeheel en het haar ouderdomsgroep gewen
Die SA Driekampkampioenskappe vind op 16 Maart by Ebotse Landgoed, Benoni plaas
