Gimmies het Saterdag, 7 Junie, gelykop teen Merensky gespeel.

Die telling was 41-41 nadat Gimmies teen halftyd 26 – 8 agter was. Die terugveg poging is nog meer merkwaardig omdat Gimmies dit moes reg kry met net 14 manne op die veld.

“Vir die neutrale ou was dit ‘n baie goeie wedstryd gewees. Ons verwelkom die rus na vyf weke se wedstryde. Ons gaan dinge reg maak vir die laaste drie wedstryde. Merensky het gekom om te speel. Ek meot krediet gee aan die skeidsregters, hulle het die wedstryd moooi laat vloei,” het Regardt Kleingeld, direkteur van rugby by Gimmies gesê.

Gimmies is steeds bo aan die punteleer, in die Noordvaal-bowl afdeling.