Laerskool Baillie Park en Laerskool Mooirivier se netbalspanne gaan hierdie komende Julie aan die Suid-Arikaanse Netbalkampioenskappe deelneem.

Baillie Park se o12A-span en Mooirivier se o11A-span kwalifiseer beide nadat hulle albei as naaswenners in hul ouderdomsgroepe by die Noordweskampioenskappe wat 15 Junie in Rustenburg plaasgevind het.

Baillie Park se o12A-span was onoorwonne in hul poel en het vir Rustenburg en GHS in die kwart-en halfeindstryde geklop. In die eindstryd verloor Baillies met net een doel teen Vastrap.

Tokkies se o11A-span het ook uitstekende netbal gespeel. Hul het Baillie Park se o11A’s in hul halfeindstryd geklop voordat hulle ook teen Laerskool Vastrap in die eindstryd verloor het.

Vastap se o11A, o12A en o13A-spanne is as Noordweswenners gekroon.