Potch Dorp het Saterdag, 4 Mei, ‘n naelbytstryd teen die Hurricanes van Stilfontein gewen.
Dit is Dorp se tweede wen agter mekaar, nadat hulle 20 April ook net-net teen Matlosana gewen het. Hurricanes sou altyd een van die moeiliker wedstryde in die Vision Sport Neserliga wees.
“Ons het goed beplan en geoefen en die manne begin nou gel. Die span het mooi gebly by die plan meeste,” het Henry Stewart, hoofafrigter van Potch Dorp gesê.
Sover het Dorp 2 uit 4 wedstryde gewen, maar hulle spel begin meer bymekaar kom. Hulle sal hulleself nou behoorlik kan toets wanneer hulle komende naweek vir Impala op hulle tuisveld aanpak.
Dorp se vrouespan het deurgedring tot die eindstryd nadat hulle vir Impala 60-0 kaf gedraf het.
