MEYERTON. – ‘n Ongeluk op die besige Jim Fouché-pad in Meyerton het Dinsdagoggend spitsverkeer tot stillstand geruk.

Vaalweekblad verneem die bestuurder van ‘n KIA-voertuig het van agter af met ‘n ander voertuig in spitsverkeer gebots.

Die bestuurder en haar kind was op pad na ‘n nabygeleë skool toe die ongeluk omstreeks 07:40 gebeur het.

Sovêr Vaalweekblad kon vasstel is niemand ernstig in die ongeluk beseer nie.

Die ongelukstoneel is betreklik vinnig opgeruim en die pad is weer op vir verkeer.