MEYERTON. – Die eerste rugbyspan van die Hoërskool Dr. Malan het sy plek in die halfeindronde van die Noordvaal/Virsekerbeker bespreek.
Die span het Saterdag 10 Junie op sy tuisveld vir Oosterlig oortuigend met 37-11 geklop om tot die halfeindronde van die Valke se liga om die Noordvaal/Virsekerbeker deur te dring.
Twee van die Dokkie-uitblinkers in die skittersege wat die agtsteman Izandro Venter en die skrumskakel Brandon Steyn wat ’n puik wedstryd beleef het. Steyn se twee breekslae is met twee drieë beloon, waarvan hy een self afgerond het.
Die halfeindstryd word 24 Junie in Johannesburg by die Hoërskool Hans Moore beslis.