Local news
Beseerde SHS-rugbyspeler met helikopter hospitaal toe geneem
Weekliks word jong seuns in rugbywedstryde beseer en flink mediese hulp is altyd van kardinale belang
SASOLBURG. – Brendan Groenewald, ‘n leerling aan die HS Sasolburg, is Saterdagmiddag per helikopter na die Unie hospitaal in Alberton vervoer nadat hy ernstig in ‘n rugbywedstryd teen die HS Brandwag beseer is.
Daar is aanvanklik vermoed dat hy sy nek beseer het, maar dit is intussen bevestig dat hy ernstige harsingskudding opgedoen het. Daar is egter geen komplikasies nie, maar daar bestaan wel kommer oor sy skouer wat erg in die derdespan-kragmeting beseer is. Hy word oornag vir observasie gehou.
