VANDERBIJLPARK – Verskeie betogers is glo gisteraand naby die Lethabo-kragstasie gearresteer. Daar word glo betoog oor werkers wat vanuit ander provinsies voorkeur kry bo plaaslike inwoners.

Na wat verneem word, is daar vanoggend ‘n groep betogers wat voertuie met klippe gooi. Motoriste word aangeraai om die brug by Ascot on Vaal op pad Viljoensdriftt toe te vermy. Sover is die R832/r42-afrit na Vereeniging steeds veilig.

Die polisie is volgens beskikbare inligting op die toneel om orde te handhaaf.