Help asseblief! Doofstom seun gebroke na sy ‘maatjie-mannetjie’ verdwyn
As iemand dalk so 'n Spiderman "action figure" het om te skenk of te verkoop, kontak asb 071 351 5522
Michelle De La Port van Vanderbijlpark laat weet:
HELP Asseblief! Hier is ‘n doofstom seun (18) met Angelman-sindroom wat in ‘n Hospice in Vanderbijlpark bly. Hy het ‘n tyd terug ‘n Spiderman speelgoed-mannetjie by mense gekry. Dit was sy maatjie en hulle was onafskeidbaar, totdat die Spiderman so ‘n week gelede weggeraak het.
Die seun is nou so verlore. Hy wil met geen ander mannetjies speel nie. Hy soek sy ‘Spiderman’. Ons het nou uitgevind iemand het sy speelding gevat en gebreek. En dié was nou sy gunstelling mannetjie!
As enigiemand dalk so ‘n “action figure” het om te skenk of te verkoop, kontak my asseblief by 071 351 5522.
Enige ander speelgoed sal ook baie waardeer word. Hy is ‘n buite-mensie en hou homself besig in sy eie verbeeldingswêreld.
* Angelman-sindroom is ‘n genetiese afwyking. Dit veroorsaak vertraagde ontwikkeling, probleme met spraak en balans, intellektuele gestremdheid en soms ook epileptiese aanvalle. Mense met Angelman-sindroom glimlag en lag graag en het gelukkige, opgewekte persoonlikhede.
Op die foto hou die seun ‘n Ironman-mannetjie vas, maar hy sal graag eerder sy Spiderman wil terughê.
**************************************************************************************************
