Daarom is dit noodsaaklik dat ’n betroubare en geskikte voertuig beskikbaar is vir die tak se amptelike bedrywighede.Lede van die takbestuur en die veiligheidspan het op 10 Julie die Mahindra-bakkie in ontvangs geneem.

Jan Labuschagne, voorsitter van AfriForum se Vanderbijlpark-tak, het AfriForum se lede bedank vir hul ondersteuning wat die aankoop van die bakkie moontlik gemaak het.

“Dit gaan dit vir ons moontlik maak om die tak se bedrywighede verder uit te brei en nog meer betrokke te raak in ons gemeenskap. Dit maak ons taklede se hande sterker. Ons versoek elke inwoner om betrokke te raak by ons projekte in die dorp. Ons kan lankal nie meer staatmaak op amptelike strukture nie.”

“Dit het nodig geword vir gemeenskappe om eienaarskap te neem van hul omgewing deur deel te neem aan skoonmaak- en veiligheidsprojekte. Die gemeenskap moet betrokke raak in gebiede waar die regering en munisipaliteite ons faal. Ons bedank elke vrywilliger wat hul tyd en energie belê om ’n verskil te maak,” sê Stephanus Blignault, AfriForum se distrikskoördineerder vir die Wes-Rand.

Maak vandag nog ’n daadwerklike verskil in jou gemeenskap en sluit by jou plaaslike AfriForum-tak aan: SMS jou naam na 45342 (R1).