Local newsNewsNews
Sasolburg se Johann spog met reuse vangs
SASOLBURG. - Plaaslike inwoner Johann Hinrichsen het verlede week vir 'n paar dae by vriende in die Vrystaat op 'n plaas gaan kuier en die tyd gebruik om te hengel. Oor die tydperk het Johann 'n paar reuse karpe van tussen 14 en 16 kg uitgetrek.
Hy het die eerste paar dae ‘n voerplek gemaak want die visse was maar skaam, maar daarna het sy geluk gedraai en die karpe het begin hoek vat. Hy het vier sulke prag-karpe van oor die 14kg in drie dae (meestal in die aand) gevang.
Hoewel Johann baie in sy skik was, was dit egter nie ‘n vreemde gesig vir hom nie. Hy is al jare ‘n spesie-hengelaar en trek gereeld dié grootte karpe uit.


At Caxton, we employ humans to generate daily fresh news, not AI intervention. Happy reading!
