VEREENIGING. – Die Vaaldriehoek is in rou gedompel nadat John Marshall (71), een van sy lieflingseuns en invloedrykste sakemanne, vroeg vanoggend sy stryd teen Covid verloor het.

Marshall was die afgelope ses weke in die hospitaal. Hy het diep spore in die Vaaldriehoek as ontwikkelaar, sakeman en avonturier getrap.

Sy menslikheid en ope hand sal altyd onthou word. Hy was by verskeie organisasies en instansies betrokke en het ‘n verskil in baie mense se lewens gemaak.

Hy was ‘n dromer en goeie sakeman wat nie nee vir ‘n antwoord geken het nie. As hy besluit het om iets te doen kan jy maar verseker wees hy gaan dit vermag.

Al verg dit jare se bloedsweet en ontbering. Rus in vrede die Vaaldriehoek is armer sonder jou. 

*Vaalweekblad wil hul medeleye en innige simpatie aan die Marshall-gesin, familie en vriende oordra.

Daar sal in die volgende uitgawe van Vaalweekblad ‘n vollediger storie verskyn.