Die Rotary Klub van Vanderbijlpark het ‘n Presidential Citation toekenning, onderteken deur die President van Rotary Internasionaal ontvang.

Hierdie sertifikaat word toegeken aan klubs wat hul jaarlikese vooropgestelde doelwitte bereik.

Aan die einde van die Rotary jaar (wat strek van 1 Julie tot 30 Junie) word ‘n verslag van die klub se projekte dan aan Rotary Internasionaal gestuur waar elke verslag bestudeer word en daar besluit word watter klubs citations verdien.

Petro Bester (‘n vorige president en skakelbeampte van die klub) het gesê: “Die Rotarier klub van Vanderbijlpark is in die bevoorregte posisie om vir die afgelope paar jaar hierdie toekenning te ontvang. Hierdie jaar se “citation” is toegeken onder die leiding van President Sonja Gilliland.”