Baie inwoners van die Vaaldriehoek ken Kobus Pienaar as ‘n suksesvolle sakeman van die Vaaldriehoek (onder andere eienaar van die gewilde Benedetto on Vaal trou-venue langs die Vaalrivier), maar min mense weet dat hy ook gedigte skryf en onder die naam “Cabousi” skilder.

Kobus, wat graag deur die land reis, het ‘n besonder sagte plek vir die Karoo en het al heelwat tonele van dié streek geskilder en ook gedigte oor die uitgestrekte deel van ons land geskryf.
Hy het onlangs een van sy Karoo-gedigte met Koos Kombuis gedeel, wat dit sommer vir die lekkerte getoonset het – gedeeltelik op die wysie van “Al lê die berge nog so blou”. (Volg die skakel heel onder om daarna te luister)

“Luister na die woorde. As jy ooit een nag deur die Karoo ry en stilhou, sal mens dit verstaan. Aberdeen en die mooi Kamdebo-berge word genoem, my pa se grootword-wêreld. Sover my kennis strek, was ek en my broer Hugo die eerste tweeling wat in Aberdeen se groot kerk gedoop is,” sê Kobus.

Foto’s onder: Kobus Pienaar by een van die skilderye wat hy al onder die naam Cabousi van die Karoo geskilder het.