Die Tower of Life Men’s Shelter in Krugersdorp is op soek na die familie van mnr. Johan Dawid Schalk Labuschagne (62), wat ongelukkig Saterdag oorlede is.

Volgens ‘n woordvoerder van Tower of Life was Dawid ‘n stil soort mens wat die afgelope jaar by die skuiling tuisgegaan het.

Die skuiling is op soek na sy naasbestaandes of iemand wat sy familie ken. “Ons weet hy het ‘n suster met die naam Mathilda Jacobs gehad, maar die kontaknommer wat ons het, is buite werking.”

Indien daar van sy naasbestaandes in die Vaaldriehoek is, word hulle vriendelik versoek om met Tower of Life in verbinding te tree by 079 264 4262.