“Ek en my man was erg onsteld oor die voorval en in ‘n emosionele toestand hieroor,” sê Patricia Morelli.

Die betrokkenes in die voorval is glo twee bekende vrywilligers (albei mans), en Patricia het die voorval dadelik by Johan Duvenhage (Parkrun-organiseerder) aangemeld.

“Hierdie gedrag is heeltemal onvanpas en onaanvaarbaar, veral in ‘n omgewing wat familie-georiënteerd behoort te wees,” sê Patricia.

Sy het verskeie bewyse saam met haar klagte oor die voorval aan Vaalweekblad gestuur, wat beslis nie in die koerant gepubliseer kan word nie.

In die “bewysstukke” is daar selfs naakfoto’s van een van die beskuldigdes wat sy op sosiale media gekry het. Hulle voel dat daar sterk teen die vrywilligers opgetree moet word.

Hulle is op 24 Julie in kennis gestel dat die saak ondersoek word.

Die Morellis voel egter dat terwyl die saak ondersoek word, die twee vrywilligers tydelik verbied moet word totdat die saak deeglik ondersoek is.

“Ons verwag dat hierdie kwessie met die erns behandel sal word wat dit verdien, sodat die parkrun ‘n veilige en respekvolle omgewing vir deelnemers bly,” sluit Patricia af.

* Die mediaspan van Parkrun SA is genader vir kommentaar oor die saak. Die volgende boodskap is ontvang: “Thank you for emailing the press and media team at parkrun. We’ll get back to you as quickly as we can”.

Met Vaalweekblad se spertyd verlede Vrydag en tot nou, was geen verdere terugvoer ontvang nie. Indien hulle ons wel kontak, sal die terugvoer gepubliseer word.