Anru de Beer, op pad skool toe saam met sy ma, Cathy de Beer. Foto: Christiaan Cloete
MEYERTON – Graad R en graad RR-leerlinge is Dinsdag 14 Januarie by Laerskool Voorwaarts verwelkom voor die aanvang van die 2025 skooljaar.
Klein handjies het hul ouers vasgehou toe hulle die skool binnegelei is na klaskamers vol kleurvolle versierings en vrolike onderwysers gereed om hulle deur hul eerste treë van hul opvoedkundige reis te lei.
Linda Kruger, Alicia Kruger, Bradley Kruger en Veronica Kruger by Laerskool Voorwaarts. Foto: Christiaan Cloete
Die opgewondenheid was tasbaar. Sommige kinders het vol selfvertroue by die skool opgedaag, terwyl ander ‘n oomblik geneem het om met hul nuwe omgewing vertroud te raak.
Trotse ouers het foto’s geneem van hierdie mylpaal-oomblik in hul kinders se lewens.
Matthew Beukes (Graad R), saam met sy pa, Johan Beukes by Laerskool Voorwaarts. Foto: Christiaan Cloete
Die volgende dag, Woensdag, 15 Januarie, het die res van Laerskool Voorwaarts se leerders teruggekeer om hul studies te hervat.
Die skool het gegons van energie soos vriende herenig en onderwysers planne uiteengesit het vir ‘n belowende jaar wat voorlê.
Met die eerste kwartaal wat tot 28 Maart loop, is die Voorwaarts-gemeenskap gereed vir ‘n jaar van groei, leer en prestasies.
Frans Rootman, Naomi Rootman, Janina Rootman en Frans Rootman Jr. by Laerskool Voorwaarts. Foto: Christiaan CloeteKlein Liam (Graad R) op sy pa se skouers. Foto: Christiaan CloeteJanneke du Koker en haar dogter, Jordan (Graad R) met aankoms by Laerskool Voorwaarts. Foto: Christiaan CloeteGeraldo Steffen (Graad R) word deur sy ma, Letitia Steffen, na Laerskool Voorwaarts vergesel. Foto: Christiaan CloeteFrans Rootman sr. daag met sy seun, Frans Rootman jr. (2) by Laerskool Voorwaarts op. Hulle was daar om Frans jr. se sussie, Naomi, te ondersteun toe Graad R en Graad RR leerlinge by Laerskool Voorwaarts verwelkom is. Foto: Christiaan Cloete
At Caxton, every story is written by humans. We use AI only to perform quality checks - never to generate the news. Happy reading!
