VANDERBIJLPARK – Die gesogte Sedibeng Premierliga (SPL) vir o.11 en o.13-spanne skop op 25 Oktober af en beloof om weer krieket uit die boonste rakke op te lewer.

Die toernooi strek oor drie naweke met die eindstryde wat op 8 November op die HS Transvalia se velde beslis sal word.

Die toernooi bied aan spelers van regoor die Vaaldriehoek die unieke geleentheid om saam met spelers van ander laerskole te speel.

Die bepalings vir 25 Oktober is: o11: 08:00 – Strikers vs die Boundary Warriors; 11:00 – Jaguars vs Casa Ravens en o13: 14:00 – Jaguars vs Casa Roosters.

Sondag 26 Oktober: o11: 08:00 – Casa Ravens vs Strikers. 11:00 – Jaguars vs Boundary Warriors en 14:00 – o13: Strikers vs Boundary Warriors.