VEREENIGING – Die Afrikaanse sanger Bles Bridges het op hierdie dag (24 Maart) in 2000 naby Bloemhof in ‘n motorongeluk gesterf.

Gebore as Lawrence John Gabriel Bridges, was hy geliefd in die Vaaldriehoek waar hy grootgeword het.

Hy is in Viljoensdrif gebore en het sy skoolloopbaan aan Hoërskool Vereeniging voltooi.

Bridges het ‘n musikale nalatenskap agtergelaat wat nog steeds in Afrikaanse huise weerklink.

Sy bynaam, Bles, is aan hom gegee deur sy Ierse oupa omdat hy as kind min hare gehad het.

’n Gedenkteken is langs die pad net buite Bloemhof opgerig ter nagedagtenis aan die plek waar hy tragies oorlede is.