Pienk krieketaksie by Dick Fourie-stadion
Hierdie Saterdag word daar weer vier wedstryde in die Caner Awareness T10-toernooi gespeel, wat ook die finaal insluit.
VEREENIGING – Die eerste naweek van die Cancer Awareness T10-kriekettoernooi is die afgelope naweek by die Dick Fouriestadium gespeel en behalwe dat dit groot pret was, was dit ook ‘n groot sukses.
Die vier senior krieketklubs wat die toernooi ondersteun, sluit in: Vereeniging, Meyerton, Die Ratels en die Pink Squad (bestaande uit oorwegend Route 66-spelers van Vanderbijlpark).
Die seniorspanne het mekaar op die A-veld aangepak, terwyl Vereeniging Krieketklub se juniors aan ‘n prettige pa- en seuns-krieketdag op die B-veld in aksie was.
Na afloop van die naweek se spel, is Vereeniging tans bo-aan die punteleer.
“Ons beoog om verlede jaar se skenking van R55 000 aan CANSA Vaal te verbeter, maar ons is nog bietjie kort. So enige donasies van die publiek of besighede sal hoog op prys gestel word,” sê Luan Claasen, onder-voorsitter van die Vereeniging Krieketklub.
