VEREENIGING. – Die Topfix Sedibeng Premier League T20-reeks wat die afgelope paar weke op die Laerskool Risiville se velde gespeel word, bereik nou die pylvak.

Eerskomende Saterdag sal die vierde en laaste ronde plaasvind met Mega Thunders wat verrigtinge om 08:00 teen die Pirates afskop. Daarna sal die Delta Spiders en Red Ravens kragte meet, gevolg deur die Goscor Gladiators en die Rippers wat mekaar in die laaste wedstryd van die 2018 SPL-reeks sal aandurf.