Sedibeng o.15’s tops by Rhino Week
VANDERBIJLPARK. – Die “eindstryde” van die Dries van Heerden Rhino Streek Rugbyweek het Saterdag op die VUT Isak Steyl-stadion rugby uit die boonste rakke opgelewer. Sedibeng het met drie spanne in die “eindstryde” van die week gespog. Sedibeng se o.15-span het die streek se naam hoog gehou toe hy die Titans met 27-5 in die …
VANDERBIJLPARK. – Die “eindstryde” van die Dries van Heerden Rhino Streek Rugbyweek het Saterdag op die VUT Isak Steyl-stadion rugby uit die boonste rakke opgelewer. Sedibeng het met drie spanne in die “eindstryde” van die week gespog. Sedibeng se o.15-span het die streek se naam hoog gehou toe hy die Titans met 27-5 in die “eindstryd” geklop het. Sedibeng se o.14’s het so amper stamper ook die wa deur die drif getrek, maar moes met 6-5 die knie teen die Griffons buig. Johannesburg Sentraal Wes is onderskeidelik as die top o.17 en o.18-span aangewys nadat hulle Sedibeng met 39-7 en die Griffons met 29-22 geklop het.
As die streekweek enigsins ‘n aanduiding is van wat vandeesweek van die Rhino Provinsiale week verwag kan word gaan rugbyliefhebbers behoorlik bederf word. Die week skop amptelik Woensdag op die VUT Isak Steyl-stadion af en al die wedstryde word regstreeks op DigiTV uitgesaai.
