VEREENIGING. – Die tweede rugbyspan van die Vereeniging Rugbyklub het Saterdag (16 Julie)  vir Brakpan met 45-12 geklop om vir die sesde agtereenvolgende jaar as die Kampioen in die Valke Peregrine-liga gekroon te word. Die span het die beker van 2015 tot 2019 verower.

Die Covid pandemie het in 2020 en 2021 ‘n stokkie daarvoor gesteek maar die Kiewiete het vanjaar weer sy liefdesverhouding met die beker voortgesit. Dit is ‘n rekord wat nie vinnig verbeter sal word nie.

Die span spog voorts met ‘n vertoningslys deurdat hy in 12 wedstryde vanjaar net een keer aan die verloorkant was 426 punte in die proses opgestapel het en slegs 64 punte afgestaan het.