VAALPARK. – Terence Hill en Bud Spencer het bekendheid op die Silwerdoek in die se 70’s en 80’s verwerf vir hulle rolprente waarin hulle gereeld snotklappe uitgedeel het.

Noem dit wat jy wil. Die taai klappe gaan vanmiddag in Vaalpark by The Bar with No Name reën wanneer die Ulitimate Slap Fight-liga ‘n draai in die Vaaldriehoek maak.

Die Pynlike Klap (PK) kragmetings – ja ons is ‘n gesinskoerant – skop vanmiddag skuins na 15:30 af en gaan vir groot opwinding sorg.

Die inweeg van deelnemers het gister plaasgevind en die manne en vroue het mekaar nie gesoengroet nie. Die Vaaldriehoeker Danie van Heerden, die voormalige EFC swaargewig hokvegkampioen, sal ook in aksie wees.