NWU Vaal is USSA en Valke-kampioen
Sukses kweek suskes. Daarvan is die Rugby Instituut van die Noordwes-Universiteit se Vanderbijlpark-kampus (NWU Vaal) ‘n sprekende voorbeeld. Die NWU Vaal se o.21-rugbyspan het onlangs in Pretroia nuwe betekenis aan die term hoë prestasie gegee toe hy as die rugbykampioen van die Universiteite Sport Suid-Afrika (USSA) se C-afdeling gekroon is. Die span het UKZN oortuigend …
Sukses kweek suskes. Daarvan is die Rugby Instituut van die Noordwes-Universiteit se Vanderbijlpark-kampus (NWU Vaal) ‘n sprekende voorbeeld.
Die NWU Vaal se o.21-rugbyspan het onlangs in Pretroia nuwe betekenis aan die term hoë prestasie gegee toe hy as die rugbykampioen van die Universiteite Sport Suid-Afrika (USSA) se C-afdeling gekroon is.
Die span het UKZN oortuigend met 31-7 in die eindstryd geklop. Die NWU Vaal is ook die Valke o.21-kampioen nadat hy Brakpan met 37-36 in ‘n naelbyt-eindstryd in die Peregrine Super-liga geklop het om sy titel te verdedig.
Die kampus se eerste rugbyspan het ook goed gevaar en tot die halfeindronde van die Peregrine-liga gevorder.
“Ons het vanjaar baie gelee en met so ‘n jong groep is ek baie positief vir die toekoms. Ons weet waar ons kan verbeter. Ons is geseend met ‘n goeie afrigtinspan. Ons wil aanstaande jaar ons senior spelers behou. Dit is bo-aan ons priototeitslys,” sê Dewald Pieters, hoofafrigter van die NWU Vaal Rugby Instituut.
“Ons strukture is so 80 persent in plek. Daar is ‘n paar dinge waaraan ons hard werk agter die skerms. Ons klub is baie jonk en die bestuur is redelik nuut, maar die bestuur glo inmekaar en ons glo dit sal deursyfer na die spelers toe.”
