MIDVAAL. – Wat het Garry Kasparov,  Bobby Fischer en Magnus Carlsen in gemeen? Hulle almal is ontsagwekkende figure wanneer hulle agter ‘n swart -en wit geblokde “slagveld” inskuif.

Die 11-jarige Armand Kotzee is die Vaaldriehoek se eie skaakster in wording. Hoewel hy noeg ver moet gaan om die status en titel as Grootmeester te bereik, is hy reeds op die bloedjong ouderdom ‘n intimiderende figuur agter ‘n skaakbord.

Dit het hy bewys toe hy vroeër vandeesmaand as die Midvaal Skaakklub se Skaakkampioen  vir 2022 aangewys is. Die klub bestaan uit 26 lede en oefen elke Woensdagaand van 18:00 tot 20:00 by die Meyerton Sportklub in Jan Neethling straat.

Vir navrae en meer inligting besoek www.midvaalchess.co.za of loer gerus na die klub se Facebookblad. Of kontak JC by 060 730 5203 of Wilna by 076 764 1310.