SASOLBURG. – Brullende enjins, die Afrika-son en adrenalien!
Waarvoor kan ‘n petrolkop meer vra? Die Sandtrax MX Shootout #4 het Saterdag al dié hoofbestandele in oorvloed verskaf. Voeg daarby die verleidende reuk van tweeslag en vierslag-enijins seuitlaatgasse, sand wat in alle rigtings tref en ‘n energiedrankie in die hand en jy beleef motorsport Nirvana.
Die jaers het ook nie op hulle laat wag nie. Man en masjien het alles in die stryd gewerp om hulself en die toeskouers tot nuwe hoogtes aan te spoor. Hoewel die ryers hier en daar noue ontkominge gehad het, is niemand ernstig beseer nie.
Die Sandtrax MX Park verdien ‘n pluimpie vir die voorsorg wat vir die deelnemers en toeskouers se veiligheid getref is.