SASOLBURG . – Die Sasolburg Rugbyklub bied Saterdag 15 Junie by die DP de Villiers-stadion ‘n lekker familiedag propvol pret en plesier aan. Die spilpunt van die dag is die rugbywedstryde tussen die Cobras en die Nigel Rugbyklub.

Die aktiwiteite van die dag sluit voorts boeresport, ‘n parkrun en ander prettighede in. Daar gaan springkastele vir die kleinspan wees en stalletjies vir diegene wat se geld ‘n gat in hul sak brand.

Vir die fliekvlooie gaan daar ook ‘n bederf of twee wees. Die droë kele en honger magies gaan ook voor gesorg word.

Toegang is R20 per persoon en R20 per kar.

Die program lyk soos volg:

08:00: Parkrun

09:00: Tik Tok Challenges

10:00: Musical Chairs

10:30: Kruiwastoot

11:00: Driebeen-wedren

12:00: Kinderfliek

13:15: u.21 raakrugby 10 aan ‘n kant

14:40: Cobras 2 vs Nigel 2

16:00: Cobras 1 vs Nigel 1

16:00: Bulls halfeindstryd