VANDERBIJLPARK – Alle paaie lei die week na die VUT Isak Steyl-stadion waar die 11de Rhinoweek plaasvind.

Die week wat begin is om ekstra geleenthede vir rugbyspelers te bied, het so gegroei dat netbal en hokkie ook nou deel van die Rhinotrop is. Springbokrugbyspelers soos Elrigh Louw het sy tande by die toernooi gesny.

Die streeksweek vind vanaf 7 tot 11 Julie daar plaas. Die netbalweek vind plaas by HS Transvalia en skop 9 Julie af.

 Die Rhinoweek vir o13- spanne vind daarna van 15 tot 18 Julie op die Isak Steyl-stadion plaas.

 Dit is ‘n groot finansiële inspuiting vir die streek met duisende kinders, ouers en beamptes wat in die omgewing se koshuise en ander akkommodasie tuisgaan.

Na afloop van die Rhinoweek word daar spanne gekies wat oorsee gaan toer.