VANDERBIJLPARK – Frans van Kradenburg, skoolhoof van Laerskool Emfulenipark, verteenwoordig TANS Suid-Afrika as kontinentale beoordelaar by die 15de Afrika-boogskietkampioenskap wat tans in Oran in Algerië aangebied word.

Die kampioenskap wat van 21 tot 26 Julie plaasvind bring 138 boogskutters uit 18 Afrika-lande byeen om vir kontinentale titels mee te ding. Die byeenkoms dien ook as ‘n kwalifiserende toernooi vir die 2026 Jeug Olimpiese Spele in Dakar vir o.18-herhalingsboogskutters.

Van Kradenburg is welbekend in die boogskietgemeenskap en dien as president van die Suid-Afrikaanse Nasionale Boogskietvereniging (SANAA) en sy aanstelling beklemtoon die gehalte van sportbeamptes wat die Vaal produseer.