Nuwe onnies vir NHS

Hoërskool Nelspruit het Woensdag sewe nuwe personeellede verwelkom.

Die skakelbeampte, me. Liezel Haasbroek, het Vrydag gesê dat die skool baie opgewonde is daaroor. “Ons nuwe onderwysers word met ope arms verwelkom en sal ‘n positiewe bydrae lewer tot Nelspruit Hoërskool se dinamika,” het sy gesê.

Me. Leani Grobler gaan Afrikaans aanbied en me. Bridgette Haasbroek Engels.

Me. Elize Stidworthy is aangestel vir menslike en sosiale wetenskappe en mnr. Corné Steenkamp vir lewensoriëntering. Mnr. Jaco Smith sal lewenswetenskap aanbied, me. Annette Coetzee Engels en me. Elet Diedericks ontwerp.