Kunstefees-uitruil: Nelspruiters vertrek vanaf Innibos-wêreld na KKNK
Gereelde Innibos-besoekers Steve Gous, Erika Botha en Klasie Botha het die week hul tasse gepak en gereis na die Klein Karoo Nasionale Kunstefees (KKNK).
Kunstefees-liefhebbers van Nelspruit het die Laevelder en Oudtshoorn Courant se uitdaging aanvaar om die eerste Kunstefees-uitruil aantedurf.
Steve, Erika en Klasie besoek nou al meer as ‘n dekade lank die gewilde Innibos Nasionale Kunstefees in hul tuisdorp. Woensdag het die drie kultuurtiere na Oudtshoorn vertek om die gasvryheid van die plaaslike gemeenskap eerstehands te beleef. Juniemaand is dit dan die Nelspruiters se buurt om besoekers van Oodtshoorn by Innibos te verwelkom.
Hannes Visser, redakteur van Oudtshoorn Courant is opgewonde om die besoekers die naweek te ontmoet en meer te hoor van hul ondervindings by die KKNK.
LEES OOK: Innibos wen fees van die jaar vir die vierde keer
LEES OOK: Innibos het goeie nuus vir almal wat die sente moet tel
