Vreemde hoede en snaakse hare vir Burgie-leerders
Die jaarlikse interskole-atletiekkampioenskap kruip al nader en dit beteken dit is tyd om gees te vang by Laerskool Burgersfort
BURGERSFORT – Elke dag vandeesweek het leerders volgens ‘n tema aangetrek. Maandag is met voetedag afgeskop, waar leerders snaakse skoene moes dra. Dinsdag was dit hoede-en-haredag. Leerders het met allerlei kreatiewe idees vorendag gekom om hulle hoede te laat uitstaan bo die res.
Woensdag was masker-en-gesigtedag waar leerders hulle gesiggies ingekleur of met ‘n maskers vermom het.
Donderdag was die groot dag waarvoor almal gewag het – die optog rondom die skool met die tema, superhelde.
Ouers het vertel dat hulle tot laatnag gesit het om versierings te maak, maar dat dit alles die moeite werd was.
English
Burgersfort Primary School has a tradition every year before the inter-primary athletics meeting to build their team spirit. Every day of the week they had to dress according to a different theme. This included funny shoes, hats, face painting or masks and dressing up like superheroes. The highlight of the week was the march around the school which took place on Thursday.
