Lydens skeer hare af vir goeie doel

LYDENBURG – Jou woord is jou woord. Dit was sprekend toe sommige onderwysers van Hoërskool Lydenburg die daad by die woord moes voeg. Hulle het ‘n weddenskap met die leerders aangegaan dat indien die die Lydens vir

Hoërskool Bergvlam by die Mediclinic Interhoër klop, hulle hul hare sou laat spuitverf en skeer.
Atlete van die skool is ook beloon vir prestasies tydens die interhoër wat vanjaar deur Lowveld High School aangebied is.

Erkenning is aan spanbestuurders en die dirigente vir hul deelname gegee omdat Hoërskool Lydenburg ‘n derde plek tydens die interhoër behaal het.