Inwoners staan saam vir Hermansburg-pad se herstelwerk
'n Paar manne het Saterdag saamgespan in 'n poging om die Hermansburg-pad weer rybaar te maak.
Om ‘n Saterdagoggend ter wille van padveiligheid prys te gee, was vir sommige van die inwoners van Hermansburg geen probleem nie.
‘n Dam in die omgewing se wal het op 7 Januarie weens al die swaar reën gebreek; sedertdien sukkel die inwoners om deur die puin op die Hermansburg-pad na hul huise toe te ry.
‘n Paar manne het Saterdag saamgespan in ‘n poging om die pad weer rybaar te maak.
“Hulle wou oorspronklik nog ‘n pyp insit, maar het agterkom daar is ‘n bestaande een wat voldoende is. Hulle het toe plan gemaak om die water na die pyp te lei,” sê Amadri Stander wat van die werk op haar kamera vasgevang het.
Hulle het met ‘n graafmasjien ‘n sloot gegrawe sodat die water nie aanhou in die pad opdam nie, en daarna seker gemaak die spoelpyp is skoon sodat, indien daar weer swaar reën kom, dit nie weer in die pad beland nie.
LEES OOK: Elke dag is ‘n tree nader aan beterskap jongman ná motorongeluk
Clement Bolt en Pieter van Rensburg het na die tyd met sy trekkers oor die pad geskraap om al die los grond te versprei en mooi plat te maak. Die proses het die span vanaf 06:00 tot 11:30 besig gehou.
Sommige lede van die omliggende gebied wil graag die volgende mense hartlik bedank vir hulle bydraes:
Adriaan Stander van Illustra vir die graafmasjien, BJ Stander vir sy rol as projekbestuurder, Wilhelm Oosthuyzen as graafmasjienoperateur, Phillip Oosthuyzen vir sy hulp met grawe en sy trekker, Clement Bolt vir sy trekker, Pieter van Rensburg vir sy trekker, Thabo Nyalungu vir sy hulp met grawe en pype oopmaak, Dirk en Anna Smit vir diesel en laastens Gavin Steensma vir die verversings.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
