Komatipoort Akademie-atlete pak interlaer aan aan
Komatipoort Akademie het op 25 Februarie aan die interlaer by Laerskool Graskop deelgeneem en 'n hele klompie atlete het medaljes ontvang.
Die skool het altesaam 20 medaljes ingesamel: vier goud, 12 silwer en vier brons.
Die laerskool het na ‘n uitdagende dag algeheel sewende geëindig. ‘n Paar van die atlete het hier uitgeblink, soos Regehardt Small wat ‘n goud gewen het vir die seuns o. 12 se 75 m-hekkies wat hy in 13,41 sek. gehardloop het.
Ivan Small het in die seuns o. 10 se gewigstoot met ‘n afstand van 8,45 m met goud gespog.
LEES OOK: Lydenburg se dirigent beste vir die dag by interhoer
Die skool se topatleet vir die dag, Tiane Allerston, het vier medaljes, twee goud en twee silwer, vir al haar items ingepalm. Sy het die dogters o. 11-hoogspring gewen met ‘n hoogte van 1,25 m en oor die 70 m-hekkies met ‘n tyd van 13,54 sek. geseil.
Sy het vir beide verspring en gewigstoot silwer ontvang, met ‘n afstand van 3,57 m vir haar spronge en 7,22 m vir gewigstoot.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
