MBOMBELA – Swart renosterwesies by ‘n renosterweeshuis, Care for Wild Africa, gaan iewers in die toekoms heerlik kan smul aan die meer as 1250 spekboompies wat onlangs naby aan hul bomas geplant is om ‘n ruigte te vorm.

Meer as ‘n 1000 spekbome gaan ‘n ruigte vorm waar swart renosters heerlik aan die gesonde snoepery kan smul.

“Die swart renosters hou daarvan want hulle eet so graag van struike af en knibbel heerlik aan vetplante asof dit lekkers is,” wys Petronel Nieuwoudt , bestuurder van CFW, uit.

SIEN hoe ‘n renostertjie deur mond tot mond asemhaling gered is

Vele van die renosterwesies van die Nasionale Kruger Wildtuin (NKW) vind hier ‘n tuiste en het nou die smaaklike vooruitsig.

Petronel Nieuwoudt (wit hoed) maak seker die wesies kry ook hul spesiale formule bottelmelk.

LEES meer oor die dag toe Prins Harry by die wesies kom inloer het

Die projek is deel van Food and Trees for Africa , The Good Work Foundation en Konica Minolta South Africa se ondersteuning vir die renosterweeshuis.

Mango, die dwergmuishond, is die vrywilligerwerkers van die wesies se gelukbringer en het netso hard aan die spekboompies geplant.

Vyf dinge wat jy van spekbome moet weet

• ‘n Spekboom verminder koolstofdioksied 10 keer meer doeltreffend as ‘n boom in ‘n tropiese reënwoud.
• Die bome is vuurbestand en kan warm Laeveldsomers uitstaan.
• Dit is ryk in mangaan, kobalt en magnesium en bevat mikro-elemente wat as anti-oksidante dien.
• Dit proe soos suurlemoene.
• Spekbome is ‘n vetplantspesies wat van alle plante die meeste koolstofdioksied uit die lug na suurstof kan omskakel.

KYK na hoe die hardebaarde van ‘n motorfietsklub onlangs hul besoek aan die renosterwweshuis geniet het.