PRETORIUSKOP – Hartverskeurende getuienis  in die vorm van ‘n Facebookfoto van ‘n jagluiperd wat gistermiddag naby die Afsaalpiekniekplek by die Jock-afdraai doodgery is, het almal wat lief is vir die Nasionale Krugerwildtuin aan die gons oor wie vir die jagluiperd se dood verantwoordelik kon wees.

Wildtuingangers is hewig ontsteld hieroor.

Gerugte doen die rondte dat dit na bewering moontlik ‘n regeringsamptenaar kan wees wat gister ‘n vergadering in die NKW bygewoon het oor grondeise.

Laevelder volg die gerugte en beweringe rondom die voorval op en sal volledig daaroor berig in die volgende uitgawe wat Vrydag op straat sal verskyn.